Ný gerð af slægingarlínu hefur verið seld til Noregs. Línan er ný hönnun og sú fyrsta sinnar tegundar frá fyrirtækinu.  Slægingarlínan er sérstaklega hönnuð til að auka verðmæti afurðanna með bættri meðhöndlun og auka afköst með bættri vinnuaðstöðu.

Slægingarlínan er framleidd fyrir fyrirtækið GPG Norge A/S í Noregi sem er dótturfyrirtæki GPG á Íslandi. Slægingarlínan er 10 stæða og á hverri vinnustöð eru sér hólf fyrir lifur, hrogn og slóg. Fiskurinn fer að lokinni slægingu eftir bandi í þvott og þaðan aftur í kar. Lifur, hrogn og slóg fer síðan í kar hvort fyrir sig. Línan er útbúin bæði með hand- og sjálfvirkri innmötunarstýringu.